Shirika la Habari la Kimataifa la Ahlul-Bayt (as) - ABNA Hawa ni Wanafunzi wa Chuo cha Mabinti cha Hazrat Zainab (SA), kilichopo chini ya Jamiat al-Mustafa (s) - Dar-es-salaam - Tanzania.
Wakiwa kama Mabinti na Wanawake wa Kiislamu, Wanaobeba jukumu muhimu katika Kusambaza Sayansi ya Kiislamu na Kuimarisha Maadili Matukufu ya Kiislamu.
Wanawake katika jamii za Kiislamu wanachukua jukumu muhimu katika kuadhimisha kifo cha Kishahidi cha Imam Sadiq (a.s), ambapo si tu wanahudhuria kimwili katika vikao kama hivi vya Maombolezo, bali pia wanashiriki kikamilifu kwa njia ya vitendo katika kueneza mafundisho ya Imam Sadiq (as) katika nyanja mbalimbali.
Vikao vya maombolezo vinavyofanyika katika tukio hili vinawapa Wanawake wa Kiislamu fursa ya kuzungumzia utukufu wa Imam Sadiq (as) na mafundisho yake, hasa katika maeneo ya Fiqh (sharia), elimu, na maadili.
Mabinti hawa na Wanawake wa Kiislamu kwa ujumla ni taa zinazoangaza njia kwa jamii za Kiislamu, kwa kuleta mbele Umma maisha ya Imam Sadiq (a.s) na kueleza kwa usahihi na ukamilifu muktadha wa vitendo vyake vya kishujaa katika kuulinda na kuuhami Uislamu kwa Njia zote, ikiwa ni pamoja na Njia ya kusambaza Elimu na Maarifa sahihi ya Uislamu katika Jamii za Wanadamu.
Kupitia vikao kama hivi, Wanawake wanachangia kwa kina kuelewa msimamo wa Imam Sadiq (a.s) katika kulinda maadili ya Kiislamu, na kuwahamasisha kizazi kipya kuiga mifano hiyo ya juu.
Aidha, Wanafunzi hawa Mabinti na Wanawake wa Kiislamu kwa ujumla wanachangia kusambaza maarifa haya si tu katika familia zao, bali pia katika jamii nzima kwa sura pana zaidi, jambo linaloongeza ufahamu wa kidini na kusaidia katika kujenga utambulisho imara wa Kiislamu.
Ushiriki wa Wanawake katika kuhuisha kumbukumbu ya Shahadat ya Imam Sadiq (as) haujajiwekea mipaka ya kutoa hotuba na mihadhara tu, bali pia unajumuisha kupanga vikao, kutoa msaada wa kiutawala, kushiriki katika kusoma dua, na kugawa chakula kwa washiriki, jambo linaloonyesha kiwango cha ushirikiano wa kijamii na umuhimu wa tukio hili katika maisha ya Waumini.
Your Comment